Transcription
1
Monsieur, le XXVIIIe de ce moys fut ouy au conseil du
2
roy, le matin, le sieur de Cavagnes sur les plainctes que
3
ceulx de la religion pretendue font contre vous et contre la
4
cour de parlement, lesquelz ont desparty leurs accusations
5
de sorte que la noblesse a faict son cayer expres contre vous,
6
présenté par Cugy et Le Cheylar, si tant est qu’il soit de celle
7
qualité ; et le tiers le sien, présenté par ung petit advocat
8
de Montelimar nommé Franciscin, soubz le nom de tiers
9
estat, encor que ayantz banny l’estat ecclesiastiq de leurs
10
republiques et semble n’y demeurer que deulx estatz, car
11
les ministres sont encor trop petitz compagnons pour y tenir
12
rang. Nous vous avons envoyé la copie du cayer de la
13
noblesse par Bourgel, de quoy je vous ay encor escrit despuis.
14
Monsieur l’amiral seroit au conseil, monsieur le mareschal
15
de Cossé, monsieur de Biron et les seigneurs de robbe longue
16
du conseil des finances, excepté monsieur de Valence, qui
17
n’y entra pas. Lors, leurs majestez et messegneurs
18
duc d’Anjou et duc d’Alençon sont en Brie comme vous
19
pouvez avoir sceu. (soulignés : On m’a dict que monsieur l’amiral parla
20
longuement contre vous, mais je m’en anquerray au vray].
21
Lendemain, allant au Louvre, je trouvis monsieur de
22
Roissy, qui est du conseil, qui me dict que l’on avoit
23
fort parlé le jour précedent des affaires de Daulphiné
24
et faict de grandes plainctes contre vous, mais que on
25
n’y avoit pas adjousté foy, me demanda si javois veu
26
monsieur Bellièvre, d’autant qu’il avoit dict qu’il en
27
parleroit avec moy, devers lequel je allis soubdain
28
et le trovis venant au conseil. Il me conta les choses
29
proposées contre vous contenues audit cayer, de quoy il
30
desiroit que vous fussiés par le menu adverty ; qu’il avoit
31
[v°] prins la parolle et remonstré que, puisque vous aviés
32
cest honneur d’estre detre du conseil du roy et son
33
lieutenant general en une province, que l’on vous devoit
34
advertir de la plaincte contre vous et vous donner
35
temps pour repoulser touttes calomnies. Il me
36
dict encor, qu’est hors le cayer, que vous aviés ordonné,
37
[mots barrés] comme Cavagnes affermoit, que l’exercice
38
de la religion prétendue ne se feroit poinct dans Loriol,
39
bien que se fut ville close et que ledit exercice y fut
40
du jour de l’edict de paix. Je trouvis après monsieur
41
de Saint-Bonet intendant des finances, qui me dict
42de mesme que l’on ne vous avoit pas oblié [barré : fut ]
43
le jour précedant au conseil, mais que l’on n’y croit
44
pas de leger, et me demanda de mesme si j’avois parlé
45
à monsieur Bellievre. Le cayer présenté par Franciscin
46
est principalement contre la cour de parlement,
47
où il conclud à avoir une chambre pour les causes
48
de ceulx de la religion, comme elle a esté accordée
49
ses jours passés à ceulx de Languedoc, revoquant
50
la cognoissance attribuée par l’edict aux maitres des
51
requetes de l’hostel. Si on ne vous envoye de la part
52
du roy ledit cayer, je trouverois bon que ne laissisiés
53
d’y respondre, ce pendant, j’en ay trace quelque
54
response que je vous envoye, laquelle je ajanceray
55
mieux et don monsieur d’Hourche et moy nous servirons
56
ce pendant.
57
Je vous ay escrit du XXVe brefvement de la reception
58
de voz lettres du X et XVIIe. Je portis aussitost
59
vostre depeche pour le roy du XVIIe au lougis de monsieur de
60
Sauve, et pour son absence, le ballis à ung de ses commis
61
[fol.105] devers lequel j’ay esté souvent despuis, scavoir si
62
le roy l’avoit heue et si on vous avoit faict response.
63
Mais il semble me vouloir faire entendre qu’il
64
fauldra attandre l’arrivée du roy en ceste ville ;
65
scay-je bien que ledit sieur de Sauve n’a veu le roy despuis,
66
ains est en une sienne maison près ceste dite ville. Sondit
67
commis me dict dimenche XXVIIe que monsieur de
68
Joyeuse avoit donné semblable advertissement
69
au roy, auquel sa majesté avoit faict response
70
et faict entendre sa volonté, comme il feroit
71
à vous sans me declairer autre chose. Despuis,
72
j’ay cherché Marron, le secrétaire de monsieur de
73
Joyeuse, pour scavoir quelle response en avoit heue
74son maistre, qui m’a dict que le roy s’estoit [barré :collé ]
75
colléré, et enaygri grandement sur ceste novelle,
76
avoit mandé audit sieur de Joyeuse de rompre
77
touttes assemblées, courir sus et les mettre en pièces.
78
Mais, monsieur, vous verrés ce que le roy vous en
79
commandera et ne feray faulte, soubdain que sa majesté
80
sera de retour, d’en poursuivre response.
81
Il est necessaire que vous escriviez à monsieur de Biron,
82
grand maistre de l’artillerie, pour attester que les
83boulletz et pouldres que Tivoley print à Lyon [barré :faut
84
consommés] ont esté employés aux affaires de
85
la guerre par votre commandement, ou bien que m’en
86
envoyés une attestation. J’estime que messieurs de
87
La Roche et d’Hourches vous escrivent. Monsieur
88
d’Evenes ny monsieur de Laval ne sont encor
89
arrivés. Je présente mes très humbles recommandations
90
à votre bonne grace, priant Dieu,
91
Monsieur, qui vous conserve en très longue et heureuse
92
vie. De Paris, ce XXXe jullet 1572.
93
Votre très humble serviteur
94
S de boczosel